FESTIVAL ZKZ TOPAKETA ‘23 

Zirkozaurrek zirku-ekitaldi honen seigarren edizioa antolatzen du. Bilbon izango da, abenduaren 5etik 9ra, eta gala bat, ikuskizunak, ikastaro trinkoak, zirku tailerrak eta topaketa profesional bat izango ditu programazioan

‘Festival ZKZ Topaketa‘ -ren seigarren edizioa izango da 2023an, eta programazio erakargarri eta askotarikoarekin ospatuko dugu berriro. Abenduaren 5etik 9ra, biak barne, Bilbok hitzordua izango du gaur egungo zirkuarekin Bilborock-en. Han, gala bat, bost ikuskizun eta topaketa profesional bat izango dira. Bestetik, Zirkozaurreko gunean eta Gas Enparantzan lehen mailako irakasleek ikastaro trinkoak eta zirku tailerrak eskainiko dituzte familia osoarentzat.

Oraindik ezagutzen ez duzuenontzat, ‘Festival ZKZ Topaketa‘ hasiera batean sortu zen topaleku izateko eta jatorri desberdineko artisten arteko harremanak bultzatzeko eta sektorea sendotzeko sareak eta zirkuituak sortzen laguntzeko. Hasiera-hasieratik estu lotuta eta konprometituta egon da gure ingurune geografiko hurbilenarekin, baina, era berean, bere besoak ere irekitzen ditu hurbildu nahi duten guztiei.

Plan entretenigarri bat nahi baduzue eta une honetan egiten den zirkoa ezagutu nahi baduzue, aukera bikaina duzue hemen. Etorri eta gozatu!

Programa osorako esteka hemen.

ZIRKU GARAIKIDEKO IKUSKIZUNAK

Aurtengo jaialdian 4 ikuskizun eta zirko-gala bat izango dira, denak kalitate onekoak eta artista eta konpainia entzutetsuen eskutik. Era askotako estiloak, adin guztietako jendearentzat. Harrituta utziko zaitugu.

  • Bilborocken izango dira eginkizunak (Mesedeetako Kaia, 1 – Bilbo).
  • Ikuskizun bakoitzerako sarrerak 6 €-tik 10 €-ra bitartean eros daitezke Entradium-en web orriaren bidez (emanaldi bakoitza baino ordubete lehenagora arte), edo leihatilan 8 – 12 €-ren truke (emanaldia hasi baino ordubete lehenagotik).
  • JAIALDIKO IKUSKIZUN GUZTIETARA JOATEKO DESKONTUDUN BONU bat jarri dugu zure eskura (40 €).

ZKZ ’22-ren ikuskizunei buruzko informazio gehiago.

IKASTARO TRINKOAK, TOPAKETA ETA ZIRKUKO TAILERRAK

Zirkozaurrek prestakuntzaren aldeko apustua egiten du, zirkoa profesionalizatu eta gizarteratzeko proiektuaren zigilu argi gisa.

  • Festival ZKZ Topaketaren programak hainbat diziplinatako ikastaro trinkoak, topaketa profesional bat eta zirko-tailerrak familia osoarentzat biltzen ditu.
  • Jarduera horiek Zirkozaurreko instalazioetan (Deustuko Erribera, 70B – 1. solairua), Gas Enparantzan eta Bilborocken egingo dira .

Zirku tailer, ikastaro trinko eta topaketari buruzko informazio gehiago.