HAZTEGIA, Zirkozaurrek duen sorkuntza proiektua da, Bizkaiko Foru Aldundiak, Arte Eszenikoen eta Musikaren Institutu Nazionalak (INAEM) eta Eusko Jaurlaritzaren sortze-fabrikak programak diruz laguntzen dutenak. Haztegi honen baitan, Zirkozaurrek egonaldi artistikoetan parte hartzeko deialdia zabaltzen du, honako helburuak bilatuz:

  • Zirkuko arte-proiektu profesionalen sortzaile, artista eta sustatzaileentzako egokitzapena hobetzea, Euskadin sortze-lekua eskainiz.
  • Babesa eta aholkularitza eskaintza plataforma digitalen eta IKT zerbitzuen bitartez zein Zirkozaurreko formakuntza eskaintzetan lehentasunezko sarbidea emanaz.

 

KONPAINIA PROFESIONALAK

Euskal Herriko / Estatuko zirku-konpainientzat, sortze-fasean dagoen proiektu artistiko batekin.

 

BALORAZIOA ETA EBAZPENA
  • Zirkozaurrek baloratu eta ebatziko du.
  • Aukeratutako konpainien izenak 2026ko martxoaren 31ean argitaratuko dira.
  • Batzordeko kideak hautagaiekin harremanetan jar daitezke, proiektuaren inguruko informazio gehiago eskuratzeko asmoz.
  • Aukeratutako konpainia edo artistek hitzarmena sinatuko dute Zirkozaurrerekin, egonaldiaren baldintzak eta aukeratutako artisten konpromisoa zehaztuko dituena.
  • Egonaldien egutegia banan-banan adostuko da hautatutakoekin, eta 2025an egin beharko da.
  • Behar teknikoak, logistikoak eta sorkuntzaren jarraipena hautatutako taldeekin egindako aldebiko bileretan ebaluatuko dira.

 

IZEN-EMATEAK

Bete hemen dagokion primakia ezarritako epea amaitu aurretik.

GARRANTZITSUA: Formularioa bete eta hautagaitza aurkeztu aurretik, arretaz begiratu deialdiaren oinarriak eta espazio eszenikoaren ezaugarri teknikoak.

 

HAUTAGAIEN DATUAK BIDALTZEKO ETA KONTAKTUA

  • Azken eguna: 2026ko martxoaren 15a.

Jar zaitez gurekin harremanetan edozein zalantza argitzeko edo edozein informazio jaso nahi izan ezkero.

 

ESPAZIO ESZENIKOAREN EZAUGARRI TEKNIKOAK

Kontsultatu hemen gure gunearen ezaugarri teknikoak, zure beharretara egokitzen den baloratu ahal izateko.

Zirkozaurreren ustez, aurkeztutako proposamen guztiak bateragarriak dira egonaldirako gordetako espazioarekin.

MODALITATE PROFESIONALA

Nori zuzendua

Sorkuntza fasean dauden proiektu artistikoen konpainiei zuzendua.

Eskainitako baliabideak

  • Egonaldi artistikoa garatzeko espazioa.
  • Espazioan ostatu hartzeko aukera, bai artistentzat, bai zuzendari artistikoentzat.
  • 1.000 eta 3.000 euro bitarteko diru-laguntza proiektuaren zuzendaritza artistikorako, bai eta sorkuntza-egoitzatik eratorritako gastuetarako ere (joan-etorriak, dietak, ostatua).
  • Erakutsitako lanaren feedbacka Zirkozaurreko profesionalen eskutik.
  • Produkzio, banaketa eta proiekturaren kudeaketaren inguruko aholkularitza.

Jaso beharreko GEHIENEKO zenbatekoak

Konpromezuak

  • Egonalditik ateratzean egindako lana Zirkozaurrerekin adosten den moduan erakustea.
  • Nahitaez kanpoko zuzendaritza artistikoa izatea.
  • Proiekturaren ebaluazio eta zabaltze materialetan elkarlanean aritzea (elkarrizketak, inkestak eta abar) eta irudi eskubideak lagatzea helburu hauetarako.
  • Jasotako diru-laguntzak justifikatzea fakturen edo tiket-en bidez.
  • Egonaldian egindako lanari buruzko deskribapen-memoria bat entregatzea.
  • Legez ezarritako behar sozialak betetzea, eta Erantzukizun Zibileko Asegurua izatea.

Irizpideak

  • Kalitate artistikoa eta proiektuaren alderdi berritzailea; zentzu honetan, kontuan hartuko dira diziplinartekotasuna eta beste arte eta ezagutza-eremu batzuekiko hibridazioa.
  • Interes berezia izango dute beren proposamen eszenikoarekin batera bitartekaritza-proiektu bat edo proiektu pedagogiko bat aurkezten duten proiektuek.
  • Zirku disziplinen garrantzia.
  • Zuzendaritza artistikoa.
  • Proiekturaen bideragarritasuna.

Oharrak

  • Bai egonaldiak egiteko, bai ezarritako diru-kopuruak ordaintzeko, erakunde laguntzaileek dirulaguntzak eman beharko dituzte.