FESTIVAL ZKZ TOPAKETA ‘21

 

Ekitaldi honen laugarren edizioa Bilbon ospatuko da abenduaren 3tik 8ra eta bere programan zirku galak, ikuskizunak, masterclass eta prestakuntza tailerrak izango ditu

2020an, gure ohiko zirkuko artisten topaketa jaialdi arrakastatsu batean bihurtu genuen, eta 2021ean publiko guztientzako programazio are erakargarriago batekin errepikatuko dugu. Zirkozaurrek Festival ZKZ Topaketaren edizio berri bat antolatzen du abenduko zubirako proposamen batekin: galak eta zirku garaikideko ikuskizunak, tailer entretenigarriak eta maila goreneko masterclass askotariko eskaintza.

Oraindik ezagutzen ez duzuenontzat, Festival ZKZ Topaketa jatorri desberdineko artisten arteko harremanak bultzatzeko sortu zen, sektorea sendotuko duten sareak eta zirkuituak sortzen lagunduz. Hasieratik, hertsiki lotuta eta konprometituta egon da babesten gaituen Zorrotzaurreko auzoarekin, bai eta Bilboko, Bizkaiko eta hurbildu nahi duten gainerako herritarrekin ere.

Plan entretenigarri baten bila bazabiltza eta zirkua gaur egungo bertsioan ezagutu nahi baduzue, hemen duzue aukera bikaina. Zatozte eta gozatu!

Programa osorako esteka hemen.

Zirku garaikideko galak eta ikuskizunak

Aurten, kategoria goreneko 3 zirku gala eta estatuko konpainia finkatuen 8 ikuskizun eskainiko ditugu. Estilo askotariko proposamenak daude, eta jende guztiarentzat, ziur gaude harrituko zaituztela.

  • Emanaldiak Etxebarrian Parkean jarriko dugun Karpan eta Bilborocken izango dira (Muelle La Merced, 1 – Bilbo).
  • Ikuskizun bakoitzerako sarrerak 10-12 eurotan erosi ahal izango dira Billetoren web orriaren bidez edo leihatilan emanaldia baino ordubete lehenagotik.
  • BONO BILBAOren kultura bonoa ere erabili ahal izango duzu, oso erraza da: bidali zure bonoa mediacion@zirkozaurre.com helbidera eta adierazi zein ikuskizunetara joan nahi duzun.
    ABENDUAREN 2A, OSTEGUNA, TRUKATZEKO AZKEN EGUNA!

ZKZ ’21-ren ikuskizunei buruzko informazio gehiago.

Masterclassak eta zirku tailerrak

Zirkozaurrek formazioaren aldeko apustua egiten du, zirkuaren profesionalizazio eta sozializazio proiektuaren zigilu gisa.

  • ZKZ ’21 Jaialdiaren  programa tailerrak eta masterclass-ak izango ditu.
  • Tailerrak udaltegietan izango dira jaialdiaren aurreko astean, eta Etxebarria Parkeko Karpan jaialdian zehar. Masterclasseak Zirkozaurreko instalazioetan egingo dira (Ribera de Deusto Kalea, 70B – 1. solairua).

ZKZ ’21-eko tailer eta masterklaseei buruzko informazio gehiago.